HUMILDADI I ATO SOBERANO A UM HOME

Por Escritor Marcelo Aratum

Ami até aós, n'ka odja inda kussa parcido na pulítika da humanidadi. Ami n'lei diferentes livros, má n'ka odja nada parcido. És home na imagem, i mindjor pulítiko di MUNDO. Si el ba i branko, HISTÓRIA NA KONTADO, djintes na iscribe livro, geraçon i geraçon na kunse si istória - I BARDADI.

Só ipude sedo um milagre. Kuma ki possível, menos di sete meses i transforma partido ku el prope i kria na segundo maior partido, dentre partidos ku existe badja na frente. Na menos di um ano, i koloka kandidato dés partido a mais alto kargo di uma NAÇON - NA PRESIDÊNCIA DA REPÚBLICA.

SINCERAMENTE IKA PA QUALKER UM.

Alguin na bin falan kuma POVO DI GUINÉ-BISSAU BURRO NAN. Ok. Má n'ta lembra di kuma ika di aós ku povo di Guiné na vota. Mesmo assim, n'ta punta, KÊ AMERICANOS BURRO NAN NA ELEGE DONALD TRUMP? ÓH BRASILEIROS BURRO NAN NA ELEGE BOLSONARO?

Djube, pulítika ta fassido di akordo ku kontexto di kada país. Tá fassido ku estratégia. Kin ku acha di kuma povo di Guiné-Bissau burro nan, ika ten purbulema, pé bai son pa Portugal óh pá França pé bai fasse pulítika lá. Mas enquanto ista na Guiné-Bissau, i obrigado i vive realidadi pulítika di Guiné, óh i dissa fasse pulítika.

BRAIMA CAMARÁ i voz di povo! Hora ku és home na diskursa, tchon tá tirme, alguns djintes tá tchora pa tanto emoçon ki ita provoka na povo.

Mindjor pulítiko aós ide tudo tempo na Guiné-Bissau i Braima Camará. Prova diés i evidente, nha ermons. I bai kongresso na Catcheu, i ganhal limpo pus, má futisdadi di sempre fassido, éturcil mon. Humildimente i kala si boka. Mesmo assim, é expulsal di partido. MÁ KU SI QUINZE HOMES, I FORMA PARTIDO, I ISTA AÓS NUNDÉ KU I ISTA NÉL.

KIN KU BO ACHA I TCHIGA DI FASSIL NA MUNDO?

Gosse n'ta punta bôs NÉS CENÁRIO TUDO, KIN KU MAIS INTELIGENTE PULITIKAMENTE FALANDO NA GUINÉ-BISSAU?

Djube,
Istória di és home dibe di kontado, i dibe di iscribido pá geraçon futuras di Guiné-Bissau i di mundo.

Escritor Marcelo Aratum