Cabral é matau,
É mata bu sunhu di dus povo um corçom Kila ka djusta elis!
Abó bu estuda na metadi di colon,
Bu destaca pa bu mérito, ninguim ka patiu nada.
Aoss é ta bim nam terra di colon, barri elis padja,
Pa randja elis títulos ku medalhas!
Mas pa kal press gora?
Press di tchom de Cabral!
Kil bu tchom ku bu liberta na mon di colon,
I kil tchom que aóss é pega kulka dentro di terra di colon!
Ali nó na odja som homis barriduris di padja di colon na manda na bu tchom.
Cabral, hora ku bu firma ba perto di colons, é ta tirmi ba di rispitu.
Ali colons ta bai bu tchom, fidjus ku bu liberta ta pega tirmi perto delis.
Cabral, n’odja ku nha udju nam, ninguim ka contam!
N’odja Ministra di kil terra ku bu liberta, na cumpanha Ministro di colons.
Hora ku padrasto na papia, fidjarasta ta firma som i na turci boca,
Suma fidju di criaçom ku na cumpanha si papéssinhu na kau di nogoss!
Cabral, colon ku tenta humilha bu Embaixador, bai bu terra,
I porta suma dunu di tchom, pabia bu fidjus na bárril padja!
Cabral n’na contau ess cussa, pabia I dem nam mal!
N’contau el pa bu sibi cuma bu povo té aóss ka liberta inda!
N’misti nam som tchora,
Mas n’lembra di cuma ess bu fidjus kulkaduris di terra,
É ka sibi nam ké ku é na fassi. Pabia di amanhã, purda elis!
 |
| Por Jorge Herbert |
Sem comentários:
Enviar um comentário
Nota: só um membro deste blogue pode publicar um comentário.