Coronabitchu Medunhu

Nha djintis/ i medunhu

No toma ton/ Bitchu medunhu/ na sardia sardia na mundu

I kunsa la lundju na China/ Na Amerca i pudi mata té sé Rambo

Na Oropa/ Na Itália ku Espanha tchur ka ten dunu/ Portugal na kuda

Djintis sta ku alma na mon/ sabon bida uru

coronabitchu ka libra ninguin/

Riku ku pobre/ Branco ku pretu/ amarelo ku guigui

Coronabitchu medunhu nha djintis/ i ta bim sin sintil

purmeru i ta nhafiniu na garganti / i bafau/ i cossau

I tursintiu

Dispus i ta riau pa pulmon/ I ta ngatau/ i ta fassiu sison

I febrissiu/I tudjiu dá folgu/ I guibau na cama

I ta parci/ Ma i ka katar/ i ta matau/ I kata ndjutiu

Garandi ou mininu

Sin pena/ sin pera/ i ta bidantau tchur

Coronabitchu medunhu/ I ka tem messinhu/

Nha djintis no dissa mangasson

I ka kunsi vizinhu/ i ka bentu/ É ka saguiau/ É ka mandjiu

I ka pirsis bai alça mon/ coronabitchu medi laba mon/ Ku iagu ku sabon

Fica na bu kau/ Para bai kau ku djinti tchiu

Coronabitchu mau/ coronabitchu mau/ coronabitchu mau

No dissa mangasson

Texto e voz: Mussá Baldé
Ilustração vídeo: Axy Demba

Bissau: 21 Março 2020