1- Ao longu di ess tempu tudu k na vivi fora di Guiné, nsta na observa ku atenson manhas di nha ermons guineenses (incluindo ami) kuma k nô gosta di kaba kau na terra di djintis, tira fotos na tudu cantu soh pa ronca di kuma anoss nô sta chique pabia nô sta na bom kaus, avion, lugaris bonitu, i ate na rua nô ta para pah ratcha pelu menus um fotografia, i dunus di terra ta na djubinu suma djintis k kunsa sai di gaiola... espetáculo tudu i hora k nô bai passa férias na terra, i ta sta nam suma di utru planeta k nô sai nel!
2- Será k djintis ta para pa pensa pabia ku ess fenômenu di ronca kata verificadu assim tantu na nô terra enquantu nô residi la? Resposta pa ess pergunta i um som so pa tudu guineenses!
Agora, i kata sedu bah ma sabi si contra i na Guiné k djintis na sinti ba ess tipu di alegria?
3- Utru experiencia k nsta na vivencia kuel li, sta ligadu ku studantis guineenses li na eh nô ladu pali, um "studu" k facidu ta mostra di kuma, na 100% di studantis ku confrontadu ku pergunta sobri si um dia eh termina seh studu noss eh pensa riba pah Guiné pa bai da seh contribuison pa país, 99,9% ta misti so cai guerra! Resposta pah ess pergunta i unicu: terra kasta bem!
4- Ma si terra kasta bem i tem responsavel, i ki responsavel tudu mundu ta apontal suma causa di tudu ess djumblumani disna di independência.
5- Apesar di tudu mundu sibi ndé k causa sta nel, mesmu assim, i ki mesmu causa k ta pui guineenses entre nghutru na guerria, muitu estranhu! Exemplo, duss djintis i vitima di um kussa, ma eh tona na guerria mass papia di ki kussa, li gora k purblema di guineenses dita nel!
6- Si bu punta guineenses pa eh rispundiu pergunta sobri si contra duss djintis i vítima di um unicu alguim, pah eh pensa so na seh cabeça sobri ke ku eh dibi di faci pa dixa di sedu vítima, resposta na sedu unicu: ... eh precisa di seta kuma elis i vítima di um unicu alguim, i so unindu forças talvez um dia eh pudi dixa di sedu vítima, a contrariu, jamais!
7- Pabia ki dificil odja guineenses na djucia pabia di kussas k djuntanu (pioris situasons di hospitais, di escolas, di estrada, di iagu, di luss, di transporti, di bom moradia, di segurança alimentar i física...?
8- Ma Pabia gora k nô gosta di da bida pabia di um partidu k ta pertenci so si militantis ku si simpatizantis, i não tudu guineenses??????
9- "guineenses" ate aoss ka consegui inda descobri kuma ki ta bonitu faci parti di um terra k ta ofereciu manga di sabura ku oportunidadis k bu ka pircisa di bai busca na terra di utrus.
10- Utru kussa, dia ku guineenses discobri kal k dur di vivi/studa na terra di utrus, kil dia i na passa i tene odiu di kim k obrigal bai vivi/studa fora di si terra ate na dia ki dita i muri!!!!!!!!!!!!!!!!!!!!!
11- Bida tudu bali kina baliu na terra di utrus ma na bu terra sempri i na sedu ba dobru, casu bu terra ofereciu ba ki mesmu oportunidadi!
12- Guineenses na tudu cantu di mundu i vítima di um unicu SISTEMA MALIGNU instaladu na Guiné-Bossau, si ngana ngana alguim so pabia di kuma i tene família dentru di sistema, catchur mangu kana tarda i na unghil. Exemplos bibu tem di djintis k ngana ngana! I kilis k bai studa, si eh ka lanta aoss, sistema na pera elis la ku seh diplomas!
13- I abo k ta vivi fora u pensa u kapli, realidadi na perau la! Dapi Amílcar Cabral k brancus seta nam na seh terra, mesmu assim i nteressa ku si raiz, kufadi!
Obs: interessa pa Guiné ka misti fala pa anoss tudu nô riba la, ou pa anoss tudu nô bida politicus, nada a ver...
Mantenhas di ermondadi!💪
Fonte: Ciro Batchicann
Sem comentários:
Enviar um comentário
Nota: só um membro deste blogue pode publicar um comentário.