MADEM tem ku reconheci djintis ki luta kuel. Na bota bos sorte: um de kussas ku mata Diminguinho politicamente i contra i vira costa a djintis ku tchigantal poder.
Até um certo ponto i compreensível um determinado chefe ka encontra alguim de si confiança na si fileira de luta, kila ka significa de kuma i ka pudi bai buscal fora, i pudi bai, sim. Mah um kussa ku cada kim tem ku pui na si cabeça i de kuma ki alguim pudi sedu de qualquer ki seja lado manos de paigc.
Será ki abos de MADEM boh kata sinti revoltado pah manera ku Diminguinho até aós ka tchiga de pronuncia nome 'MADEM' inda. És i kal tipo de amor ku boh continua tene pah paigc sim ih! Alguim tchiga de obi Domingos nde kina fala 'MADEM'? Até li boh ka ntindi keh ku tem?
Suma ku alguim fala, i tem djintis ku sta na MADEM mah ku seh corson continua inda na paigc, essis i djintis ku tem de ficado sempre tras. Eh perigoso pah MADEM.
MADEM tene jovens qualificados pah ocupa qualquer cargo na Guiné. Nkunci elis muito bem. Kaba i tem utrus ku ka milita na MADEM mah ku MADEM pudi conta kuelis pah qualquer desafio.
Filha de Odete kana máh gosta de MADEM pah más partido nde ki si mamé i vice-presidente nel. Boh pudi diskici és!
Fidélis, si bu ka tene alguim pah numia suma bu assessor, pui nim si um membro de bu família suma ku Domingos tah faci, mah eh bu nomeação, inteligentemente, i kana djudau i muito menos lado ku bu sta nel.
Boh ka pudi numia jovens qualificados ku sta tras de MADEM mah boh bim pudi numia uma traidora assumida? És i irritante pah!
I ka so pabia el i de lado de paigc ku manda i ka pudi numiado, problema i kuma Cici kunsido nam ku fala mal de Sissoco ku MADEM. I tah facil até na porta de igreja⛪!
Ka boh medi numia boh djintis, por favor!
Sem comentários:
Enviar um comentário