PAIGC, cancro di Guiné-Bissau ...Jorge Herbert

Por Jorge Herbert

PAIGC, cancro di Guiné-Bissau.

N’fala bos kuma cancro PAIGC lança si metástase na tudo funcionalismo público guineense, bó ka fia!

N’fala bós kuma guerria ku metástases i pirdi tempo ku energia, si bu ka erradica cancro  principal di tabuleiro político.

N’fala bos kuma es cancro político e social ku panha Guiné-Bissau, som na cofre de Estado k é ta alimenta nel, bó ka fia!

N’fala bos kuma es cancro k panhanu na terra, i capaz té di mata si família, pabia di tchiga perto di cofre de Estado, bó ka fia! Si é capaz di mata sé propi família, bó fia kuma é ka na dissa doentes murri na hospital, pabia di poder?!

N’fala bos kuma metástases des cancro ku panha Guiné-Bissau ka n’porta bindi té sé mamé a estrangeiros, pa pudi fica na poder, bó ka fia!

N’fala bos kuma si bó odja tugas ku kabrianus na fassi diretos ou na skirbi, televisões di brancos na miti boca na problema di nó terra, bó sibi kuma kim k é na difindi, bindi dja mamã Guiné disna, i na guerria nam som pa n’tergal a cumpraduris...

Si nó misti dissa nó netos recursos ki di nós, nó tem ku fitcha nam curpo na combati es cancro, suma combatentes de liberdade di pátria fitcha curpo durante 11 anos pa libertanu di colonialismo tuga. 

Enquanto nó ka elimina cancro principal, nundé ku metástases ta bai kumé, tchom ka na fria.

Jorge Herbert