Si nhu Diminguinhu i doutorado na muntrundadi ku malandriça, kila nó sibil badja.
Que nhu Cipras tulo, kila també, si guineenses ka sibil badja, ami ó, n'sibil badja disna!
Pabia, só alguim ku ka muito djiru di cabeça, ku ta seta bloquia um casa de democracia, seta pui em causa um país inteiro, pabia di lealdade pa líder di si partido.
Antom nhu Cipras ka sibi ba di cuma som si cabeça ki na kema ba, pa pudi djuda líder di si partido?
Antom nhu Cipras ka sibi ba cuma mas tarde história na bim julgal como único presidente de ANP ku fitcha Casa di democracia durante um legislatura inteiro?
Djustu di promessa di sedu Presidente di República tchiga comprometi um legislatura?
Antom nhu Cipras pensa nam cuma sedu Presidente di República sta riba di interesses di um país ku si povo?
Antom nhu Cipras ka sibi ba di cuma i mas fácil lider di bu partido traiu di ki povo k bu tarbadja diritu pa el traiu?
Nhu Cipras som pa pidi nhu Diminguinhu pa i matriculal na kil escola nundé ki tira doutoramento di muntrundadi ku aldrabiiça nel!
SI GARANDI DI CASA TCHORA, I DUR NA SI PITU.
SI GARANDI DI CASA BIDA GORA DJUGUDÉ, I KA SABURA KU TENEL DÉ!
Sem comentários:
Enviar um comentário
Nota: só um membro deste blogue pode publicar um comentário.