#CampanhaSkolaTaKumpuTerra #Dia6

Por Sumaila da Guiné

#CampanhaSkolaTaKumpuTerra #Dia6

#Balanço👀

I na passa dja 6 dias disna ku nô kunsa sugundu ronda di iziji Aristides Gomis ku si guvernu pa danu skola suma se fidjus, ahos nô misti bota udjus na kê ku nô sta nel:

1. Na es 6 dias, i tem manga di di djinti ku mostra kuma sê partidu di bardadi i Guiné-Bissau, terra ku nô djunta, kil djinti até tene pulítiku o partidu ku e ta apoia, ma e lanta pa luta pa se terra.

2. Manga di djinti ku ta pupa VIVA SKOLA na campanha eleitoral rabida e kala yem, suma si kontra nada ka sta na akontesi. I #fanatismo o nos tambi nô ka sta na mesmu mundu?!

3. Alguns djinti di partidus adversárius di kil ku sta na guvernu djunta ku nôs, nô acredita kuma i ka pa mal, ma pa fasi kil puku pa nô terra; suma ku i tem utrus di propi partidu na guvernu ku djunta ku nôs. Kila ta tchomadu #patriotismo.

4. Ma suma sempri i ta tem kil mas totolidus, i tem kilis ku punta "nôs gosi ku nô lembra kuma skola ta kumpu terra"!!! Ku utrus ku misti findji kuma e ka sibi guvernu ku tene responsabilidadi di pui skola funsiona. 

Ku tudu es, anôs mê nô na kontinua luta li nes mandjunlandadi digital, ku la na terrenu. Sexta fera nô na fasi vigília dianti di polásiu di guvernu, pabia POVU KU TA FASI GUVERNU! 
Mantenhas di #rispitu ku #admirason pa tudu #MilitantesGB. Pa Aristides Gomes ku si guvernu perta sintu, pabia BRINKADERA TEM ORA!