Si bu koitadi, inda por cima bu fidjus ka randja rispitu fora di casa, vizinhanças tudo ta misti lebsiu! Kila k ta passa ku mamã Guiné-Bissau! Pabia di kila k é ta pega fassinu lalaliló na emigraçon!
Há dias, um nha colega falam: som abó k tené mania di kuma abó i guineense! Bu tené mas tempo na vivi na Portugal ku na Guiné-Bissau, i bu sta perfeitamente integrado na Portugal, abó i mas tuga k guineense.
N’puntal: Antam abó si bu bai tarbadja 25 Ano na Espanha, bu na assumi di kuma abó i espanhol e não portuguis?!
I falam: F...das! Nem pensar!
N’falal: Antam pabia gora ku Ami n’tem ku dissa kim ku n’sedu, som pabia n’sta 25 ano na terra di utrus?! Pabia nha terra coitadi?! Na kil coitadessa gora k n’padidu, n’criadu tok n’fassi 18 ano!
I cala boca, i viram costa i bai si caminho, pensativo.😂
Kilis hora k é sai di terra, é ka ta lembra mas di nundé ké bim, é ta bida veleiro sim timoneiro, ku ta bai nundé ku bentu lebal, nim é ka ta sibi na kal Purto ku é tem di bai n’tranka nel, pabia é ta dissa pa bentu leba elis...
Utru kussa ki importante, i guintis n’tindi di kuma, facto di bu tené orgulho di sedu guineense, ka significa di kuma bu tem ku sedu amigo di tudo guineense, nim bu tem ku djuda tudo guineense ku precisa. Suma qualquer pecadur, bu tené diritu di seleciona bu amigos i mesmo dentro di família, kim k bu misti dá ku el, pa bu ka sta sempre na problemas...
