Sindicalismo ka pudi abandona doentes ...Jorge Herbert

Por Jorge Herbert

Sindicalismo ka pudi abandona doentes.

Kuma k um líder partidário tené coragem di fala um líder sindical pa pui profissionais di saúde abandona si doentes?

Kuma k um líder sindical di área di saúde ta seta pui interesses partidários riba di saúde ku vida di doentes?!

Kal koldadi profissionais di saúde ku ka sibi kuma é ka pudi NUNCA abandona um doente, sob nenhum pretexto (ku exceção di risco imediato pa si propi vida), sim garantia di kuma utru colega di profissom na djubil i orienta si situaçom?! Mesmo k doente faltau rispitu, si bu ka tené utru colega pa djubil i trata si doença, abó ku dibi di continua na djubil i na trata si doença. Dipus bu pudi bim queixa del na justiça, mas si doença abó ku tem di tratal el, ou n’terga utru colega pa tratal.

N’ka sibi enquadral na quadro penal, apenas deontológico, i bó pudi tchomal boicote ou utru nome qualquer pa fussi a responsabilidade, mas i intolerável, vergonhoso i di um irresponsabilidade medunhu, na qualquer sociedade civilizada, kil ku aconteci na kil dia na HNSM.

Sindicalistas ku profissionais di saúde pudi ba até tené tudu razon di mundo na sé reivindicaçons, mas kil dia é botal tudo na baleta...

Um profissional di saúde abandona doentes i último grau di decência profissional i social. N’na pidi nha colegas disculpa, mas na nha óptica, i um acto ku dibi di tené consequências não só judicial. Ordem di médicos i di utrus profissionais di saúde dibi abri també um investigaçom i penaliza duramente si profissionais, pa i ka volta a aconteci, sob qualquer pretexto.

Jorge Herbert