... BRAIMA CAMARÁ BÁ DI PUBIS COORDENADOR NACIONAL DO MADEM G-15 RECEBEU HOJE DIPLOMA DE MÉRITO PELO GRUPO DINDIN SANHA POR SEU EMPENHO E ESFORÇO NA CONSOLIDAÇÃO DA PAZ, DEMOCRACIA E LEGALIDADE NO PAÍS DESDE AS ELEIÇÕES LEGISLATIVAS ATÉ AS PRESIDENCIAIS...
BÓ MOSTRANU TAMBI DI KIL LIDER DEMISSIONÁRIO DI PEDJECÉ KKKKKKKK...NÔ PINTCHA I GUINÉ KU NGANHA!!...
... POVO UNIDO NUNCA SERÁ VENCIDO ...
..... ESTAMOS A TRABALHAR .....
Fonte: Amadu Ula Embaló
Este comentário foi removido pelo autor.
ResponderEliminarTalvez este grupo teve sobretudo em conta, aquele famoso discurso do dia 28.09.2019 (?) deste líder, em Cantchungo, sobre o então Presi, José Mário Vaz.
Eliminar(Cif., https://www.youtube.com/watch?v=aBVYpmQlhzI; acessado, 29.09.2019)
Eis o texto do tal discurso:
Transcrevo: “José..., Mário Vaz, y fidjo di Region di Cantchungo ô nau? Y di Cantchungo ô y ka di Cantchungo? N’misti fala bôs: n’ôbi djintis na fala kuma, ‘Máiro Vaz, y ka na apoia MADEM; el y ka di MADEM; y tem utru Partido ki na apoia’. N’ na dissafia! Si bardadi, pa Mário bin ao públicu, pa y fala: ‘bô vota kontra MADEM’! Si y fiansa, pa y fassil! N’fala bôs, n’ka na falal na nin um Terra. Li na si Terra ki n’na falal. Li!!!
Si familias sta li. Ê sinta, ê na ôbin em direto. Ami Braima Camará. Ku nha camaradas, 15 Diputadus; si nô spulsadu na PAIGC; si nô kastigadu na CEDEAO; y pabia di kin...? Y pabia di kin?
Otcha ki Mário Vaz misti sêdu Presidenti di República..., fidjus di Cantchungo n’na konta bôs; purque n’sibi kê ki na passa-â.
Mário Vaz sinta na si sala, y na odjan diretamenti. El y Presidenti di República. Y nô respeital komo Presidenti di República ku di Chefi di Estadu. Nô respeital komu Chefi di Estadu. Purque y nô kultura, y nô edukasson.
Mâ n’misti fala bôs: ‘nin si fidju Elson, y ka sibi kuma ki y sêdu Presidenti di República mâ di ki Braima Camará’.
Y pa y fika klaru. Nô pui nan tudu em risku. Mâ y ka kuma pabia y Mário Vaz. Y pabia di nô nosson di Estadu. Chefi di Estadu, nin si bu ka gosta di el, bu tem ku respeital.
Dipus, di nô Papê, ku di nô Mamê na Terra, kin ki nô dibi rispitu, y Chefi di Estadu.
Kila ku manda, odja ki djintis, ki Mário Vaz lambu aôs, y na tchoma elis ‘Lion di Lesti’, y fala elis, ‘bô pudi, bô bali’. Ami Braima ki leba elis lá, n’falal pui ês, na ês tal kau. Ninguin mâs..., ninguin mâs!
Bem ta pagadu pa bem. Si bu sedu ingratu, si bu murri na inferno ki bu na bai. N’gratessa ka bali. Ninguin mâs...
Nô lanta nan, nô fala Ingenheru Domingos Simões Pereira: ‘si bu tene kultura di Estadu, bu ka na koba Chefi di Estadu. Diputadus di PAIGC ka pudi bai na Assembleia, ê kumsa koba Mário Vaz, desdi 10 ora parmanhã tê 2 ora mandrugada. Lá ki nô lanta, nô fala, ‘chega, basta’! Basta!!!
Suma Mário Vaz, y ka di Bafatá y di Cantchungo, ora ki na passa pa bâ Caliquisse, bô putal, si ki ki n’konta si y mintida. Mâ y ka murri, mâ sta li.
N’ka fassi ês diskursu na Bafatá. N’ka fassil na Farim. N’ka fassil na Mansabâ. N’bin fassil li, nundê si garandis, na Catchungo. Nundê si familias. Pa bô sibi kuma, si tem djintis ki purtigil, ki djintis, ki luga djintis na Bafatá..., ê tissi djintis di Farim, ku pedra, ku kartaz..., ami sinta, ami ku Mário Vaz ku Deus... Ê koba nô Mamê tok sol mansi. Ê fertchanu ku pedra tok sol mansi. Ê toma 2’000 Franco ê paga kada kin... Y pekadur ki nô lambu aôs, kuma y pekadur pa pui nô dianti.
Mâ anôs, nô riqueza, y nô kapacidadi em cash. Nô riqueza, y pa purda pekadur. Y rekuperasson di hômi”. Fim da transcrição.
Autodenuncia de “grandi omi di paz” pa ês Kondekoradoris. Di alguin ki fala kuma, el ki forsa Presidenti eleitu, José Mário Vaz, pa y kometi, si y ka tudu, mâ anton, alguns di nomissons ilegais ki y fassi duranti si mandatu. Inkrivel y tristi. Na Tchons di Demokrassias bem-sucedidos, ês alguin ki fala y fassi ês tal kussa, y na bai ba kalabus; y, Presidenti José Mário Vaz, na dimitidu ba logo, logo; dipus, y precessadu.
Nha ermons di Guiné-Bissau (Mindjeris ku Ômis), nô tem pacensa, nô sinta, nô pensa Guiné. Kê ku nô na fassi ku el, ku nô fassi ku si pobis, y, kê ku no na fassi ku nôs própri. Kada guin ku si kabessa. Sakalata passa!!!
Obrigado.
Que reine o bom senso.
Amizade.
A. Keita.
Falou tudo . Obrigado
Eliminar