I povo ku elegim presidente di República di Guiné-Bissau, pabia di kila, na continua sta di lado di nha povo.
Tchiu djintis ka n'tindi propósito di nha luta, mas i tem kilis ku n'tindi, ku na luta à tudu custo, pa derrubam, pabia djintis tenê hábito di toma kil ku pertence povo.
N'odiadu pabia n'fala dinheiro di estado, dibi di sta na cofre di estado.
I difícil luta contra corrupção, na um país ku na vive na corrupção desde quatro décadas, mas i ka impossível caba ku corrupção, pabia di kila, na contínua firme na nha posição, pa venci batalha, assim pa dá povo vida condigna ki mereci.
Suma garante di paz ku n'sedu, embora ku crise política ku país na vive, i ka tem derramamento di sangue, i nim turtura ku perseguição.
Pela primeira vez na história di Guiné-Bissau, um presidente ku elegido democraticamente, consigui tchiga fim di si mandato, sim sedu assassinado, ou morto pa algum motivo desconhecido, tudu graças à colaboração di nô forças di defesa i segurança, ku afasta di cenário político.
Na nome di tudu povo guineense, na fala muito obrigado à Chefe di Estado Maior das Forças Armadas di Guiné-Bissau, i na pidi pa bô continua cumpri ku bô dever, ki garante segurança di povo guineense.
Viva Guiné-Bissau!
Viva povo guineense!
Viva nô forças armadas!
Sem comentários:
Enviar um comentário