A nôs nô apoia mundança, pabia nô misti odja nô terra pa e desenvolvi, suma qualquer utru terra, ês que motivo cú puí nô dicidi apoia é atual regime, curpo e alma pa regime muda....

Por Papa Jomav 

A nôs nô apoia mundança, pabia nô misti odja nô terra pa e desenvolvi, suma qualquer utru terra, ês que motivo cú puí nô dicidi apoia é atual regime, curpo e alma pa regime muda.

Má sí ahôs e tem ativistas, que acha éh dibi di luta ou chantagía é atual regime, sô pabía é ca nomeado ou é ca prevelegiado, suma utrus ativistas, cú pui é na cría mil e um artimanhas, pa mantcha imagem de eh atual regime, bô esta n'ganadu pabía i ka bôs som ku da vida pa é regime, nô tenê nô ermonsis que esta na  França, Portugal, Inglaterra, Brasil, America, Espanha etc... que pirdi sè sonu na cumpanha atualidade de nô país durante campanha eleitoral... dipus nô tenê manga de nô ermonsis que esta li na Guine que apoia é atual regime, mas nunca eh critíca pa eh nomeado !

Si a nôs tudu nô fala pa Umaro ou Nuno pa eh danu curru, n'acha utrus curru de "#Cutó" que na bim otcha pabia nô kana tchibi na Ministerio, e dipus djintis que vota ná Umaro kal pasta que é na dadu ? Purtanto no têm que tenê etica e moral na no ativestismo, a nôs tudu nô ka pudi tarbadja na aparelho de estado, sí têm djintis que Deus pui é numiado pabia cú nó kana apoia elis pá é pudi tarbadja diritu ? Chantagía kana lebanu lugar nenhum, sí ka cria odio, intriga, calunia, e  difamação, entri nôs, ês e borgonha pa nôs propi nô sedu motivo de pui nome de é regime na mau caminho.

Amilcar Lopes Cabral, sempre fala bá djintis é conbersa, de kuma i ka tudu djintis ku bai luta, ku pudi bim tarbadja na aparelho de estado, nô na toma puder nô n'tregal, na mon de djintis ku na bim danu contrada, na caminho, pa eh entra kú programa maior que sedu  "desenvolvimento" de nô país dipus de quila estado na cría ka da quim condição na sí post de tarbadju, bu na critica é atual regime pabia é ka nomeao, mas pabia ku bu kana fassi um projecto bu apresenta governo sí é tene meios dispunivel pa é apoiao na bu aria ?

Tudu mundo misti sedu funcionario de estado na kuma ? Guineenses e unico povo na mundo que ta misti pa bu dissal e tarbadja na aparelho de estado mesmo ku bu kana pagal fim mîs. 

Nô critica governo pa é tissinu investidoris, ou pa elis propi éh investe na sector privado pa maioria de nô ermonsis otcha kau de tarbadja, em vez de nô ba ta sinta pa pera nomeação na aparelho de estado.

Umaro Sissoco Embalo é caminho dificíl ma nô na yandal até na dia que Deus na pui gelo na Coração de tudu guineense.

Papa Jomav