Ku permisson de nha colegas ku sé caras stá nés foto, n'bin pá dissa nha modesto considjo pâ és tempo di tchuba ku tchiga sin (ami î autoridades nin specialista ambiental ou de metereologia).
Ali nha considjus: 👇
1. Nô limpa nô moranssas;
2. Nô kuida ku fugus;
3. Nô kuida ku mininus. bedjos, doentes, animales, ka nô dissa elis son na kasa;
4. Si bento, tchuba ten, no kuida ku telefones, kusas de aluminio, spedjus, pabia de raios;
5. Si bento forte ten, nô fitcha portas ku janelas de kasas;
6. Si tchuba na tchubi, pa ka ninguin n' gosta na postos de luz ô bas de árvores;
7. Pa ka mininus nada na obulun, pabia de corrente de iagu, fios de luz ku ta kai na caminhus;
8. Nô kuida ku iagu di bibi, nô kubri kumidas, nô laba mons, pâ ivita duensas suma bangabarriga ku bitchus;
9. Si nô ka tené nada di faci na rua, nô entra nô kasa cedo;
10. Nô trata de tené lampadas de mon na kasa pabia di sukuro.
Obrigada
Bissau, 29 de maio de 2024
Cadi Seidi
Pentenclen di Saman
Sem comentários:
Enviar um comentário