I pa i fica bem claro di kuma, tudo kilis ku numiado na ês atual governo, ê tenê sê função, i cada um dibi di kumpri ku si dever.
Secretário di Estado di Cultura nunca ka pudi desempenha função di Ministro di Educação ou Ministro di Saúde, pabia di kila, si Secretário di Estado di Cultura tenê si projeto baseado na cargo ki ocupa, então, ka nô fala kil projeto ka dibi di implementado, pabia nô ka tenê bons escolas ou hospitais, pabia i tem Ministro di Educação, suma ki tem Ministro Saúde.
Si ka tem bons escolas, kila i responsabilidade di Ministro di Educação, pabia i pa kila ki numiado, i ka competência di Secretário di Estado di Cultura.
Si ka tem hospitais ou centros di saúde, kila i responsabilidade di Ministro di Saúde, pabia i numiado nam pa trabadja na ki área, kila i ka responsabilidade di Secretário di Estado di Cultura.
Si Estradas di Guiné-Bissau ka sta dirito, kila i responsabilidade di Ministro di Obras públicas, i não di Secretário di Estado di Cultura.
Secretário di Estado di Cultura numiado pa desempenha função na área di Cultura, i ka competil desempenha função di utrus ministros.
Pa cada ministro desempenha si função, pabia objetivo i desenvolve Guiné-Bissau, i não pa continua na história di fala "ês ki prioridade, kil utru i ka prioridade".
Na Guiné-Bissau, tudo i prioridade, pabia nada ka fassidu.
Cada ministro ku secretários di Estado dibi di fassi sê papel, i só assim ku nô terra pudi avança.
Si tem financiamento pa executa um projeto suma ês na Guiné-Bissau, então, pa i sedu bem-vindo.
Pa Ministro di Educação, di Saúde, di Obras Públicas busca também financiamento pa construi escolas, hospitais ku estradas.
Nô sibi distingue kussas!
Força Secretário di Estado di Cultura!
Viva bons fidjus di Guiné!
Fonte: Papa Jomav
Sem comentários:
Enviar um comentário